Тәуелсіздіктің алғашқы онжылдығы

1991 жылғы 9 тамызда Нұрсұлтан Назарбаевтың Жарлығымен Семей ядролық полигоны жабылды. КСРО ыдыраған кезде Қазақстанға әлемдегі төртінші ядролық қару қоры мұра болды. 1949 жылдан бастап Семей ядролық полигонында барлығы 500 жарылыс өткізілді. Қазақстанның бастамасы бойынша 29 тамыз Ядролық сынақтарға қарсы халықаралық іс-қимыл күні болып жарияланды. Айта кету керек, бұл саясат ірі әлемдік державалар тарапынан сенімді нығайтуға ықпал етіп, сол арқылы ҚР-ға тілектестік қарым-қатынасты қамтамасыз етті.

1991 жылдың 2 қазанында қазақтың тұңғыш ғарышкері Тоқтар Әубәкіров ғарышқа ұшты. Ол ғарышқа "Мир" орбиталық кешеніне бару экспедициясының зерттеуші ғарышкері ретінде аттанды.

1992 жылы Қазақстанның Мемлекеттік рәміздері – егемендігіміздің мызғымас негіздері қабылданды.

1993 жылғы 28 қаңтарда Қазақстан Республикасының алғашқы Конституциясы қабылданды. Құрылымдық жағынан ол кіріспеден, 4 бөлімнен, 21 тараудан және 131 мақаладан тұрды.

1993 жылғы 15 қарашада айналымға тәуелсіздіктің тағы бір атрибуты – ұлттық валюта енгізілді. Ұлттық валютаның пайда болуымен елдің егемендігі нығайды.

1994 жылы астананы Алматыдан Ақмолаға көшіру туралы шешім қабылданды. Үш жылдан кейін Назарбаевтың Жарлығымен Ақмола Астана болып жарияланды. 1998 жылы Ақмола Астана болып өзгертілді. 1999 жылдың өзінде Қазақстан астанасы әлемдік деңгейде мойындауға қол жеткізді. Қала ЮНЕСКО-ның "Әлем қаласы"марапатына ие болды. Бұл марапат әлеуметтік-экономикалық, саяси және мәдени дамуда қысқа мерзімде үлкен нәтижелерге қол жеткізген планетаның жаңа қалаларына беріледі. Бүгінде Нұр-сұлтан-жай әкімшілік орталық емес, ол еліміздің тәуелсіздігі мен дамуының нышаны. Қала халықаралық саяси және мәдени оқиғалардың алаңына айналды.

1995 жылдың 1 наурызында Елбасының бастамасымен Қазақстан халқы Ассамблеясы құрылды. Оның мақсаты-елдегі қоғамдық-саяси келісімді қамтамасыз ету. Ұйымның беделі халықаралық деңгейде мойындалды. Елімізге келген БҰҰ Бас хатшысы Кофи Аннан Қазақстанды "Басқа мемлекеттер үшін ұлтаралық келісімнің, тұрақты, орнықты дамудың үлгісі" деп атады

1995 жылғы 30 тамызда бүкілхалықтық референдумда қолданыстағы Қазақстан Республикасының Конституциясы қабылданды. Бұл күн мемлекеттік мереке-Қазақстан Республикасының Конституциясы күні болып табылады.

1999 жылы Қазақстанда жоғары оқу орындарына түсуге және білім алуға тілек білдірушілер үшін Ұлттық бірыңғай тестілеу жүйесі енгізілді. Сондай-ақ, ҰБТ балдары "Болашақ"президенттік стипендиясын тағайындау кезінде де маңызды.

2000 жылы Қазақстан ірі жоба – Қашаған мұнай және газ кен орнын іске қосты. Қашаған соңғы 40 жылда ашылған әлемдегі ең ірі кен орындарының бірі, сондай-ақ теңіздегі ең ірі мұнай кен орны болып табылады.

Аманбаева Р.