«Болашақ» мектеп-лицейінің өкілдерімен кездесу

КММ «№3 жалпы білім беретін мектебінде» Областная специализированная школа‑лицей‑интернат №4 «Болашақ» өкілдерімен кездесу өтті. Степногорск қаласынан келген қонақтар оқушыларға лицей-интернатта білім алу мүмкіндіктері, қабылдау шарттары және білім беру бағдарламасының ерекшеліктері туралы айтып берді.
Кездесу барысында 7-сыныпқа конкурстық іріктеу туралы ерекше айтылды. Іріктеу математика және логика, оқу сауаттылығы және Қазақстан тарихы пәндері бойынша тестілеуден тұрады.
«Болашақ» мектебінің өкілдері лицейдің жетістіктері, оның дәстүрлері және дарынды оқушылардың қабілеттерін дамытуға жасалған мүмкіндіктер туралы да ақпарат берді. Оқушыларға ақпараттық буклеттер таратылып, олар өздерін қызықтырған сұрақтарын қойып, толық жауап алды.
Осындай кездесулер оқушыларға білім алу мүмкіндіктерін кеңейтіп, болашақта оқуын жалғастыру жолдарын алдын ала танып-білуге көмектеседі.