Текст
15.04.2026
15 сәуір күні Атбасар қаласының «№3 ЖББМ» КММ-де білім беру үдерісінде жасанды интеллектіні қолдануға арналған ғылым онкүндігі аясында 10–11 сынып оқушылары арасында ғылыми жаңалықтар макеттері байқауы өтті.
Қатысушылар өздерінің қызықты әрі креативті жобаларын ұсынып, ғылыми мәселелерді шешуде заманауи технологияларды, соның ішінде жасанды интеллект элементтерін қолдана білетіндіктерін көрсетті.
Байқау оқушылардың зерттеушілік дағдыларын, шығармашылық ойлауын және ғылымға деген қызығушылығын дамытуға ықпал етті.
Осындай іс-шаралар оқушылардың әлеуетін ашуға және заманауи қоғамда сұранысқа ие дағдыларды қалыптастыруға мүмкіндік береді.