«Отбасы — тәрбиенің бастауы» сынып сағат

3-сыныпта «Отбасы — тәрбиенің бастауы» тақырыбында сынып сағаты өтті. Сынып сағаты барысында оқушылар отбасының адам өміріндегі маңызы туралы ой бөлісіп, өздерінің отбасылық дәстүрлері жайында әңгімеледі, сұрақтарға жауап беріп, ойындар мен шығармашылық тапсырмаларға қатысты және отбасы туралы мақал-мәтелдерді талқылады.
Сынып сағаты жылы әрі достық атмосферада өтті. Балалар отбасының — қолдау, қамқорлық, махаббат және ең бастысы, адамның тәрбиесі басталатын орта екендігі туралы қорытындыға келді.
Осындай іс-шаралар оқушылардың бойында мейірімділік, үлкендерді құрметтеу, жауапкершілік сезімі мен отбасылық дәстүрлерге деген құндылықты қалыптастыруға көмектеседі.