«Балақайлар мектебі» үйірмесі

9 маусым күні Атбасар қаласы КММ «№3 жалпы орта білім беретін мектебінде» «Балақайлар мектебі» өз жұмысын жалғастыруда.
«Балақайлар мектебі» мектепке дейінгі даярлық бағдарламасы Қазақстан Республикасы Оқу-ағарту министрлігінің Балаларды ерте дамыту институты тарапынан әзірленген және балаларды мектепте оқуға жан-жақты дайындауға бағытталған.
Сабақтар бекітілген кестеге сәйкес өтуде. Бүгін балалар сөйлеу тілін дамытып, сөздік қорларын кеңейтті, оқып, әртүрлі әдеби жанрлармен — ертегі, әңгіме және өлеңмен танысты.
Шығармашылық сабақта балалар қайшымен жұмыс істеу дағдыларын бекіте отырып, аппликация жасады және ұсақ моториканы дамытты.
Күн соңында балалардың белсенділігін арттырып, денсаулығын нығайтуға бағытталған қимылды ойындар өткізілді.