Болашақ бірінші сынып оқушыларына арналған математика негіздері

8 шілде күні «Атбасар қаласының №3 жалпы білім беретін мектебі» КММ жанындағы «Балақайлар мектебі» жазғы мектебі өз жұмысын жалғастыруда.

Математика негіздері сабағында тәрбиеленушілер 1 цифрын жазу дағдыларын бекітіп, ұқыптылықты, зейінді және қол қимылдарының үйлесімділігін дамытуға бағытталған тапсырмаларды орындады.

Сауат ашу сабағында балалар «М» әрпімен танысып, жаңа әріп қатысқан қарапайым буындар мен сөздерді оқуды үйренді. Алған білімдерін бекіту мақсатында тәрбиеленушілер интерактивті тақтада қызықты тапсырмаларды ойын түрінде орындап, танымдық квестке белсене қатысты.

Сурет салу сабағында балалар үлгі бойынша сурет салуды үйреніп, шығармашылық қабілеттерін, ұқыптылықтарын және сурет салу дағдыларын дамытты.

Күннің соңында тәрбиеленушілер қимылды ойындарға белсене қатысып, сергектік, көтеріңкі көңіл күй мен жағымды эмоцияларға бөленді.

«Балақайлар мектебі» жазғы мектебіндегі сабақтар балалардың танымдық қабілеттерін, шығармашылық дағдыларын дамытып, білім алуға деген қызығушылықтарын арттырады.
Гельвих Н.И.