«Дастарқанда нан — жүректе алғыс» сынып сағаты

4 «А» сыныбында «Дастарқанда нан — жүректе алғыс» тақырыбында сынып сағаты өтті.
Оқушылар нанның адам өміріндегі маңызы, дән өсіріп, нан пісіріп, оны дастарқанымызға жеткізетін адамдардың ерен еңбегі туралы әңгімелесті. Балалар нанның тарихы жайлы көптеген қызықты мәліметтер білді, халықтың салт-дәстүрлерін еске түсіріп, нанды қадірлеп, ысырап етпеу туралы ой бөлісті.
Сынып сағаты балаларға нанның жай ғана тағам емес, еңбектің, берекенің, қонақжайлықтың және алғыстың символы екенін түсінуге көмектесті.
Әр шаңырақта дастарқанда әрдайым нан болып, жүректе оны жасап, біздің дастарқанымызға жеткізетін жандардың еңбегіне деген алғыс болсын!