«Сыныпқа арналған пайдалы істер» сынып сағаты

Тәрбиелік жұмыс аясында, жасампаздық пен жаңашылдық құндылықтарын қалыптастыру мақсатында сыныпта «Сыныпқа арналған пайдалы істер» тақырыбында сынып сағаты өтті.

Кездесудің басты мақсаты – оқушыларға жасампаз еңбектің маңызын түсіндіру, бастамашылдық пен жауапкершілікті қалыптастыру, сондай-ақ өз ұжымы үшін пайдалы іс жасауға ынталандыру болды.

Әңгімелесу барысында оқушылар «жасампаздық» және «жаңашылдық» сөздерінің мағынасын талқылап, тіпті кішкентай ғана жақсы іс мектеп өмірін жайлы әрі қуанышты ете алатыны жөнінде қорытындыға келді. «Жақсы іс» ойыны ерекше қызығушылық тудырды. Ойын барысында оқушылар түрлі жағдаяттарға шешім ұсынды: сыныптағы тәртіпті қалай сақтау керек, сыныптасына қалай қолдау көрсетуге болады, достық атмосфераны қалай қалыптастыруға болады.

Іс-шараның негізгі бөлігі топтық жұмысқа арналды. Оқушылар топтарға бөлініп, сыныпты қалай жайлы әрі тату етуге болатынын, тазалықты қалай сақтауға болатынын және қандай жаңа идеяларды жүзеге асыруға болатынын талқылады. Әр топ өз ұсыныстарын таныстырып, белсенділік пен шығармашылық қабілеттерін көрсетті.

Сынып сағаты ынтымақтастық пен қызығушылық атмосферасында өтті. Оқушылар жағымды әсер алып, игі бастамаларды жүзеге асыруға ынталанды.